छठको : रिपोर्ट
By Radio Candid
मिथिलाञ्चलको महत्वपूर्ण पर्व छठको दोस्रो दिन आज खराना गरिँदैछ । दिनभर उपवास रही राती खीर बनाई देउतालाई चढाएर व्रतालुहरु प्रसादका रुपमा खिर खान्छन् । यस विधिलाई खराना भनिन्छ । छठलाई एउटा कठिन व्रत र उपवासको रूपमा हेरिन्छ । भोलि साँझ अस्ताउँदो सूर्यलाई अर्घ दिएर, पर्सी उदाउँदो सूर्यलाई अर्घ दिएसँगै छठ पर्व सकिन्छ । तराई मधेश क्षेत्रमा विशेष महत्वका साथ मनाइने छठ पर्व पछिल्लो समय पहाडी तथा हिमाली क्षेत्रमा समेत मनाउन थालिएको छ । दशैँ र तिहार सकिएलगत्तै शुरु भएको छठ पर्वको रौनक यतिबेला तराई, मधेशका साथै काठमाडौँ उपत्यकासहित अन्य क्षेत्रमा पनि छाएको छ ।
--- Send in a voice message: https://anchor.fm/radio-candid/message